Ulti seedhi, oochi neechi, aage piche
Padti barkha ki manchali boondein
Lehar lehar, baras baras, shor machati
Yeh pagal matwali boondein
Jaane kisko paas bulaye
Jaane kisko dur bhagaye
Pado par chad k nachti gaati
Phulo k beech chup chup roti
Hat ja pagli, tu kyun itna shor machaye
Saare aasman mein hi toh badal chhaye
Kyun re tu itni bawari
Hua kya tu itna itraye
Mera man bhi saath mein gaaye
Jadu sangeet ka sab par aaye
Raju babloo ghar se niklo
Chup chup ke tum barkha se khelo
Yeh kisi ke haath mein na aaye
Palak jhapkate fur se udd jaaye!
0 comments:
Post a Comment