"A bi-lingual platform to express free ideas, thoughts and opinions generated from an alert and thoughtful mind."

Wednesday, December 30, 2009

Sardi Ka Mausam




Sardi ka mausam, lekar aaya khushiya nayi

Anth ho garmi ka, hai yeh ek musibat nayi!

Wajan se zyada kapdo ka bhoj

Koi kaise kare ab toh mauj!

Bahar nikalne ka na kare man

Dubak jao rajai mein bas yehi soche har jeevan!



Thandi hawayein taazi taazi

Laye nayi umenge, tarunayi

Haso, gao aur khilkilao mere man

Kyunki aaya hai sardi ka mausam!

Mein Kaun?




Mein kaun?



Apne papa ki dulari

Bhai ke liye atyachari

Behan ke liye mein bechari

Mummy ki mein pyari

Doston ke liye ek khatarnak bimari

Office mein dikhau samajhdaari

Bahar mujhse duniya haari

Mujhme hai badi hoshiyari

Par ajkal mujhpar chayi hai thodi si bimari

Himmat hai mujhme, karni hai taiyyari

Ho chahe jo kuch, manungi nhi kabhi haar hamari!

Barkha ki Boondein




Ulti seedhi, oochi neechi, aage piche

Padti barkha ki manchali boondein

Lehar lehar, baras baras, shor machati

Yeh pagal matwali boondein



Jaane kisko paas bulaye

Jaane kisko dur bhagaye

Pado par chad k nachti gaati

Phulo k beech chup chup roti



Hat ja pagli, tu kyun itna shor machaye

Saare aasman mein hi toh badal chhaye

Kyun re tu itni bawari

Hua kya tu itna itraye



Mera man bhi saath mein gaaye

Jadu sangeet ka sab par aaye

Raju babloo ghar se niklo

Chup chup ke tum barkha se khelo

Yeh kisi ke haath mein na aaye

Palak jhapkate fur se udd jaaye!